كلام تكرر كتيير وما الو حل
الكل بعرف ريال مدريد والبرشا والكل بعرف مشجعين البرشا ومشجعين الريال
والتعصب اللي بينهم
وليش اللف والدوران انا مشجعة مدريدية متعصبة كمان
وكنت زمان اذا شفت برشلوني كتب موضوع او رد يهين الريال ما اقصر بردي عليه يعني
بس بعدين لما نفكر شوي بنعرف شو الو داعي هاد التعصب الشديد
سواء من المدريديين اوالبرشلونيين
صحيح في مواضيع من برشلونيين مستفزة وبتخلي الواحد ينجن
في هاي الحالة الواحد ما بقدر يضبط حالو وبينفجر
بتنتهي الشغلة بحذف الرد او الاخفاء او رقابة من المشرفيين
وكتيير بتصير معي
البرشلونيين اكييد بدهم يقولوا ليش بس المواضيع المستفزة من البرشلونيين
الجواب بسيط جدا لان البرشلونيين كفريق مسيطرة على اللعب ومتصدر
واكييد في المنتدى البرشلونيين بدها تقوى عينهم زي ما بنحكي ويسيطروا على المنتدى بمواضيعهم
حتى انهم صاروا يكتبوا وينقلوا اخبار الفريق الخصم ريال مدريد
وهاي هيي المشكلة
بعض الاخبار ما بتكون صحيحة ومجرد اشاعات وما في داعي ينكتب موضوع عشانها
والاسوء انو ما بكون في مصدر
طبعا في هاي الحالة المدريدين بعصبوا وبتبدى الخلافات
واول رد بكون برشلوني عن ال 5_0
وببدوا يعايروا ويهينو ويفتروا
كأنوا الريال فريق زبالة وسيء جدا وما الو اي تاريخ
واذا لاعب عمل اعلان بتصير فضيحة وجريمة وعار
واكييد البرشلونيين ما رح يكونوا تافهيين ويعايروا على فريق مالو اي اهمية
او ينتقدوا لاعب غير موهوب وليس رائع
ومن هون بيجي الدليل على انو الفوز على ريال مدريد حلم وشيئ رائع لدرجة بتضلوا تحكوا في النتيجة لحتى يجي غيرها
وبدون زعل في بعض البرشلونيين بزودوها جدا
خلينا نعترف بان البرشا فريق ممتاز في هاد الوقت وان الريال فريق ممتاز ايضا وما ننسى تاريخ كل من الفريقيين ونحكم على هاد الشي
ومش معناتوا اذا الاعب بيلعب في الريال معناتو سيء ومغرور وحالتو حالة
كونوا هاديين شوي يا برشلونيين
انتو بتعرفوا تاريخ الريال وتعرفوا مين الريال
واحنا المدريديين بنعرف تاريخ البرشا ومين البرشا
وما في حد بنكر
عشان هيك خلينا ننهي هاد الصراه ونحترم بعضنا شوي
سواء مدريدي او برشلوني
وما نستفز بعض
والمنتدى رح يصير احلى منو ما في وما في تعصب
النقاش والتحدي بهدوءوعقل
وشكرا للجميع